Häppchen

Logik gegen Tokunft (plattdeutsch)

Hein Achterndiek vertellt

Foto: Blume

"Du", segg ik to mien Fru. "De Scheuer will nu so'n Schienenpakt."

"Aha", see se. "Un wat is dat?"

"Bet 2030 schall de Tall vun Lüüd dubbelt so hooch warrn, de mit 'n Toog fohrt. De Verbinnungen schüllt utbuut waarn, twischen de groten Städte schall alle dörtig Minuten een affohrn. Un digital schall dat ok all mehr warrn. De hett sik ja örnlich wat vörnahmen."

"Hmm".

"Is dat allns, wat du darto to seggen hest or wat spekuleerst du?"

"Hmm. Weer dat nich eenfacher, wenn he dormit anfangen wöör, dat de Töög nich utfalln, in Tiet fohrn un dat de Klos, Dören un de Klimaanlaag jümmers funktioneern wöörn?"

Se nu wedder mit ehr Logik. Keen Sinn för de grote Tokunft.

 

Man, wo se recht hett, hett se recht...

Weitere Einträge: